Ass-a, 21 Fuṛaṛ 2013, aql-aɣ nesfugul amulli wis sa (sebɛa) n uẓeḍḍa-nneɣ akked udeg-nneɣ n Internet. S waya, ass-a nebda aseggas-nneɣ wis 8. Nessaweḍ ad neg aṭas n tɣawsiwin seg wasmi ay d-nebda tikli: Nessers-d deg Internet azal n 30.000 n yimagraden ed teftarin niḍen (isura, tiẓrawiyin, tugniwin ed yeklasen n tmesliwt) s 15 n yilsawen, yerna 4 n yimelyunen n tikkal ay saten medden ɣef udeg-nneɣ.

Jorge Alaminos, Tlaxcala

Ljehd-nneɣ: ur nelli ddaw tecḍaḍt n yiwen, ama seg yidis n tsertit, ama seg yidis n yedrimen. Neldey tiwwura-nneɣ i wakk imussa ay yettnadin ɣef ufara (progrès), akken bɣun ilin, yerna akk wid ay yettekkan yid-neɣ ɛedlen.

Lexṣaṣ-nneɣ: ar imir-a, werɛad ur nessaweḍ ad d-nessers aṭas n tsuqilin s taɛṛabt, s tfarsit, s tṭerkit, s tegrigit, s trusit akked tmaziɣt.

Assirem-nneɣ: Nessaram ad d-nessuqqel daɣen seg neɣ ɣer yilsawen imeqranen am tcinwat, tahendit, turdut, tabengalit, tamalizit-tindunisit, tajapunit, taswahilit neɣ taguaranit ed waṭas n yilsawen niḍen ay yesɛan azal asuddas (stratégique) am tɛebrit.

Mazal-aɣ neldey tiwwura akken ad nemɛawan ed yemdanen ed tegrawin ay iɛewwlen ad xedmen, wid ay yettamnen, am nekkni, ilsawen d tiqenṭyar, maci d iɣerban ay yebḍan gar medden. I lmend n waya, arut-aɣ-d s adeg-nneɣ: http://tlaxcala-int.org/contact.asp.

Ar timlilit!